Першае на што хацелася звярнуць увагу, гэта тое, што чаратовыя тросці нашмат прыгажэй гучаць чым накладныя. Па першае, язычок не б’е па драўлянаму целу пішчыка і не дае непрыемных тэмбраў, па другое, зрабіць яго можа кожны і адчуць сябе сапраўдным дударом. І тое, што гэта традыцыйна, так дуды гучалі раней.

Першае, што мы робім, гэта ідзем да бліжэйшага вадаёму і канешне лепш, каб ён быў падалей ад аўтадарог. Лепш за ўсё зарыхтоўваць чарот у зімку з сярэдзіны студзеня да канца лютага. Але каб паэксперыментаваць і набіць руку можна у любы час.



Чарот звычайна не аднародны, дзесьці перасох дзесьці было шмат вільгаці і пачаў парахнець, таму абіраем чароцінкі светлыя аднародна плотныя і бляскучыя дыяметрам 6мм-10мм(аптымальны варыянту няма), на практыцы рабіў з розных дыяметраў і атрымоўваліся працуючыя тросьці. Але на пачатку калі не шукаеце асаблівых тэмбраў з асаблівым ціскам раю спыніцца на дыяметры 6.5мм-7.5мм.















Як заўсёды паўстане пытаньне колькі “вешаць” ці якой даўжыні павінна быць пішчык. Колькі адрэзаць? Ўсё залежыць ад таго які у вас гук. Калі доўгі, то трэба даўгі і моцны пішчык калі гэта соль малай актавы - то хопіць і невялічкага. Калі вы замаўлялі дуду у J.P. то вам у камплекце быў чаратовы пішчык на бурдон яго можна выкарыстаць як эталонны. Памеры пачынаюцца ад 40мм і даўжэй. Адразаем неабходную даўжыню шліфуем на наждачцы ніжні тарэц і знутры натфелем ці свярдэлкам. Зараз нам неабходны вострае лязо каб надрэзаць язычок. Язычок я пачынаю рэзаць заўсёды ад вока. Дзе яно вы адразу заўважыце.






Далей калі мы надрэзалі язычок яго трэба зрабіць працуючым. Скарыстаемся якасьцямі чароту. Справа ў тым што пры уздзеяніні тэмпературы на язычок ён запомніць свой стан. Але самае важкае:
1. Не перастарацца бо можаце проста зламаць.
2. Моцна не адхіляйце, НА МАЛЮНКЕ УТРЫРАВАНА, гэта каб было бачна. Хопіць 0.5мм-2мм галоўнае надта не хвалюйцеся калі далёка адцянулі бо можна прыціснуць і зноўку выкарыстаць запальнічку .












Калі зтаньшаць пішчык зверху тон будзе павышацца. Калі надразаць з сярэдзіны то ціск будзе паслабляцца. Калі падразаць знізу трэба быць вельмі асьцярожным па першае паніжаецца тон, па другое змяншаецца ціск, але ёсць небяспечнасць што пішчык перастане завадзіцца, а пачне проста плямкаць яна нават можа строіць але добрага тэмбру вы не пачуеце.





На гэтам тросьць гатовая як падматаць нітачку вы і самі здагадаецеся.